२०२३ फॉर्म्युला वन हंगाम हा एफ.आय.ए. मान्यताप्राप्त फॉर्म्युला वन जागतिक अजिंक्यपद स्पर्धेचा ७४वा हंगाम होता. या हंगामात १० संघांच्या एकूण २२ चालकांनी २२ शर्यतींमध्ये सहभाग घेतला. पहिली शर्यत ५ मार्च २०२३ रोजी बहरैनमध्ये आणि अखेरची शर्यत २६ नोव्हेंबर २०२३ रोजी अबु धाबीमध्ये आयोजित करण्यात आली.
चालक आणि संघांनी अनुक्रमे चालक अजिंक्यपद आणि कारनिर्माते अजिंक्यपद या विजेतेपदांसाठी स्पर्धा केली. या हंगामात गतविजेत्या मॅक्स व्हर्सटॅपनने निर्विवाद वर्चस्व गाजवले. त्याने कतार ग्रांप्रीमध्ये सलग तिसरे चालक अजिंक्यपद पटकावले. हंगामाच्या अखेरीस त्याने एकूण २२ ग्रांप्री शर्यतींपैकी विक्रमी १९ शर्यती जिंकल्या आणि २१ वेळा पोडियमवर स्थान मिळवले. एका हंगामात सर्वाधिक वेळा पोडियमवर स्थान मिळवण्याचाही हा विक्रम ठरला. त्याच्या रेड बुल रेसिंग संघाने यापूर्वीच्या जपानी ग्रांप्रीमध्ये आपले सहावे आणि सलग दुसरे कारनिर्माते अजिंक्यपद पटकावले. रेड बुल रेसिंगने २२ पैकी २१ ग्रांप्री शर्यती जिंकून एका हंगामात सर्वाधिक ९५.४५% शर्यती जिंकण्याचा संघांचा विक्रम प्रस्थापित केला. रेड बुल रेसिंगव्यतिरिक्त ग्रांप्री शर्यत जिंकणारा फेरारी हा एकमेव संघ ठरला. सिंगापूर ग्रांप्रीमध्ये कार्लोस सायेन्स जुनियरने फेरारीसाठी हा विजय मिळवला.
२०२३ फॉर्म्युला वन हंगाम
या विषयातील रहस्ये उलगडा.
