न्यू झीलंड क्रिकेट संघाने पाच आंतरराष्ट्रीय ट्वेंटी२० सामने खेळण्यासाठी सप्टेंबर २०२१ दरम्यान बांगलादेशचा दौरा केला. ठरलेल्या वेळापत्रकानुसार मालिका फक्त तीन सामन्यांची होती. परंतु नंतर बांगलादेश क्रिकेट बोर्डाने केलेल्या विनंतीनुसार न्यू झीलंडने आणखी दोन सामने खेळण्यास अनुमती दर्शवली. त्यानुसार पाच ट्वेंटी२० सामन्यांचे वेळापत्रक जाहीर करण्यात आले. सर्व सामने राजधानी ढाका मधील शेर-ए-बांगला क्रिकेट मैदान या ठिकाणी खेळवण्यात आले.
बांगलादेशने पहिले दोन सामने जिंकत मालिकेत आघाडी घेतली. न्यू झीलंडने तिसरा सामना जिंकत मालिकेत पुनरागमन करायचा प्रयत्न केला. परंतु बांगलादेशने चौथ्या सामन्यात विजय मिळवत एक सामना शेष असताना मालिका जिंकली. बांगलादेशने न्यू झीलंडविरुद्ध पहिल्यांदाच ट्वेंटी२० मालिका जिंकली. न्यू झीलंडने पाचवा सामना जिंकला परंतु त्याआधीच बांगलादेशने मालिकाविजय निश्चित केला असल्याने बांगलादेशने ३-२ ने मालिका जिंकली.
न्यू झीलंड क्रिकेट संघाचा बांगलादेश दौरा, २०२१-२२
तुमचे ज्ञान वाढवण्यासाठी वाचा.
