ऑस्ट्रेलिया क्रिकेट संघाने पाच आंतरराष्ट्रीय ट्वेंटी२० सामने खेळण्यासाठी ऑगस्ट २०२१ दरम्यान बांगलादेशचा दौरा केला. ऑस्ट्रेलियाने २०१७ नंतर पहिल्यांदाच बांगलादेशचा दौरा केला. ही दोन देशांमधील पहिली वहिली ट्वेंटी२० द्विपक्षीय मालिका होती. ठरलेल्या वेळापत्रकानुसार मालिका फक्त तीन सामन्यांची होती. परंतु नंतर बांगलादेश क्रिकेट बोर्डाने केलेल्या विनंतीनुसार ऑस्ट्रेलियाने आणखी दोन सामने खेळण्यास अनुमती दर्शवली. त्यानुसार पाच ट्वेंटी२० सामन्यांचे वेळापत्रक जाहीर करण्यात आले. सर्व सामने राजधानी ढाका मधील शेर-ए-बांगला क्रिकेट मैदान या ठिकाणी खेळवण्यात आले.
पहिला सामना २३ धावांनी जिंकत बांगलादेशने मालिकेत आघाडी घेतली. बांगलादेशने पहिल्या सामन्यात मिळवलेला विजय हा ऑस्ट्रेलियाविरुद्ध ट्वेंटी२० सामन्यातील पहिला वहिला विजय होता. बांगलादेशने दुसरा आणि तिसरा सामना जिंकत मालिकेत ३-० ने अभेद्य आघाडी घेतली. तिसऱ्या सामन्यातील विजयाबरोबरच बांगलादेशने ऑस्ट्रेलियावर पहिला वहिला मालिका विजय संपादन केला. बांगलादेशने पाच सामन्यांची ट्वेंटी२० मालिका ४-१ ने जिंकली. ऑस्ट्रेलियाचा हा सलग पाचवा ट्वेंटी२० मालिका पराभव होता.
ऑस्ट्रेलिया क्रिकेट संघाचा बांगलादेश दौरा, २०२१
थोडक्यात पण महत्त्वाचे.
