न्यू झीलंड क्रिकेट संघाने तीन आंतरराष्ट्रीय एकदिवसीय सामने (वनडे) आणि तीन आंतरराष्ट्रीय ट्वेंटी२० सामने खेळण्यासाठी जुलै २०२२ मध्ये आयर्लंडचा दौरा केला. एकदिवसीय मालिका २०२०-२२ आयसीसी क्रिकेट विश्वचषक सुपर लीग अंतर्गत खेळवली गेली.
सदर मालिका जून-जुलै २०२० मध्ये अपेक्षित होती. परंतु कोव्हिड-१९ मुळे मालिका पुढे ढकलण्यात आली होती. सरतेशेवटी मालिका जुलै २०२२ मध्ये होणार असल्याचे जाहीर करण्यात आले. पहिला वनडे सामना अतिशय थरारक झाला. प्रथम फलंदाजी करून हॅरी टेक्टरच्य शतकाच्या मदतीने आयर्लंडने ३०० धावा केल्या. लक्ष्याचा पाठलाग करताना न्यू झीलंडने कमी धावांमध्ये जास्त गडी गमावले. परंतु मायकेल ब्रेसवेलच्या अप्रतिम शतकाच्या जोरावर न्यू झीलंडने १ गडी आणि १ चेंडू शिल्लक असताना सामना जिंकत दौऱ्याची विजयी सुरुवात केली. पुढील दोन्ही सामन्यात विजय मिळवत न्यू झीलंडने मालिका ३-० ने जिंकली. आंतरराष्ट्रीय ट्वेंटी२० मालिकादेखील न्यू झीलंडने ३-० ने जिंकली.
न्यू झीलंड क्रिकेट संघाचा आयर्लंड दौरा, २०२२
थोडक्यात पण महत्त्वाचे.
