आयर्लंड क्रिकेट संघाने तीन आंतरराष्ट्रीय एकदिवसीय सामने (वनडे) आणि एक आंतरराष्ट्रीय ट्वेंटी२० सामना खेळण्यासाठी जानेवारी २०२२ दरम्यान वेस्ट इंडीजचा दौरा केला. एकदिवसीय मालिका २०२०-२३ आयसीसी क्रिकेट विश्वचषक सुपर लीग अंतर्गत खेळविण्यात आली. सर्व सामने जमैका मधील सबिना पार्क येथे खेळविण्यात आले. एकदिवसीय मालिकेपूर्वी आयर्लंडने जमैकाविरुद्ध ५० षटकांचा सराव सामना खेळला. जमैकाने तो सामना ५ गडी राखून जिंकला.
पदार्पण करणारा शामार ब्रुक्सच्या उत्तम ९६ धावांच्या खेळीच्या जोरावर यजमान वेस्ट इंडीजने पहिला वनडे सामना २४ धावांनी जिंकला आणि मालिकेत १-० अशी आघाडी घेतली. आयर्लंडच्या गोटात पुन्हा कोव्हिडचे संक्रमण झाल्याने दुसरा एकदिवसीय सामना दोन्ही देशांच्या क्रिकेट बोर्डांच्या संमतीने पुढे ढकलण्यात आला. ११ जानेवारी रोजी वेस्ट इंडीज क्रिकेट बोर्डाने स्पष्ट केले की दुसरा एकदिवसीय सामना १३ जानेवारी आणि तिसरा एकदिवसीय सामना हा १६ जानेवारी रोजी खेळविण्यात येईल. तसेच नियोजित एकमेव आंतरराष्ट्रीय ट्वेंटी२० सामना रद्द करण्यात आला. आयर्लंडचा कर्णधार अँड्रु बल्बिर्नीला कोरोनाची लागण झाल्याने उर्वरीत दोन वनडे सामन्यांसाठी पॉल स्टर्लिंगकडे आयर्लंडच्या कर्णधारपदाची धुरा सोपविण्यात आली. उर्वरीत दोन्ही सामन्यांमध्ये विजय मिळवत आयर्लंडने वनडे मालिका २-१ ने जिंकली.
आयर्लंड क्रिकेट संघाचा वेस्ट इंडीज दौरा, २०२१-२२
एका नवीन दृष्टिकोनातून पहा.
