वेस्ट इंडीज क्रिकेट संघाने तीन आंतरराष्ट्रीय ट्वेंटी२० सामने आणि तीन आंतरराष्ट्रीय एकदिवसीय सामने (वनडे) खेळण्यासाठी डिसेंबर २०२१ दरम्यान पाकिस्तानचा दौरा केला. आंतरराष्ट्रीय एकदिवसीय मालिका २०२०-२२ आयसीसी क्रिकेट विश्वचषक सुपर लीग अंतर्गत खेळविण्यात आली. वेस्ट इंडीजने पाकिस्तानमध्ये डिसेंबर २००६ नंतर पहिल्यांदाच आंतरराष्ट्रीय एकदिवसीय सामने खेळले. मधील काळात दोन्ही संघांनी संयुक्त अरब अमिरातीमध्ये एकमेकांविरुद्ध सामने खेळायचे. सर्व सामने कराची मधील नॅशनल स्टेडियम येथे झाले.
२०२१ ट्वेंटी२० क्रिकेट विश्वचषक दरम्यान वेस्ट इंडीजचा कर्णधार कीरॉन पोलार्डला दुखापत झाल्याने त्याने या मालिकेतून माघार घेतली. त्यामुळे ट्वेंटी२० मालिकेसाठी निकोलस पूरन आणि एकदिवसीय मालिकेसाठी शई होप या दोघांची वेस्ट इंडीजच्या कर्णधारपदी नियुक्ती करण्यात आली. पाकिस्तानने ट्वेंटी२० मालिका ३-० ने जिंकली. परंतु वेस्ट इंडीजचे ९ खेळाडू कोरोनासंक्रमित झाल्याने एकदिवसीय मालिका जून २०२२ पर्यंत पुढे ढकलण्यात आली असल्याची घोषणा दोन्ही क्रिकेट बोर्डांनी १६ डिसेंबर २०२१ रोजी उशीरा केली.
वेस्ट इंडीज क्रिकेट संघाचा पाकिस्तान दौरा, २०२१-२२
चर्चा करण्यासाठी एक आकर्षक विषय.
