एर नामिबिया

एर नामिबिया तथा एर नामिबिया प्रायव्हेट लिमिटेड ही नामिबियामधील मुख्य विमानवाहतूक कंपनी होती. तिचे मुख्यालय देशाची राजधानी विंडहोक येथे होते.

कंपनी देशांतर्गत, प्रादेशिक आणि आंतरराष्ट्रीय अशा नियोजित प्रवासी व मालवाहतूक सेवा चालवत होती. तिचे आंतरराष्ट्रीय मुख्य ठाणे विंडहोक होसेआ कुटाको आंतरराष्ट्रीय विमानतळ येथे तर देशांतर्गत ठाणे विंडहोक इरोस विमानतळ येथे होते.

डिसेंबर २०१३पासून ही विमान वाहतूक कंपनी पूर्णपणे नामिबिया सरकारच्या मालकीची होती.

ही कंपनी आंतरराष्ट्रीय हवाई वाहतूक संघटना आणि आफ्रिकन विमानकंपन्यांची संघटना या दोन्ही संस्थांची सदस्य होती.

विकिपीडियावर संपूर्ण लेख वाचा →