२०२१ ट्वेंटी२० क्रिकेट विश्वचषक आफ्रिका पात्रता ही २०२२ ट्वेंटी२० क्रिकेट विश्वचषकच्या पात्रता प्रक्रियेचा भाग म्हणून खेळली गेलेली स्पर्धा आहे.
एप्रिल २०१८ मध्ये, आंतरराष्ट्रीय क्रिकेट समितीने १ जानेवारी २०१९ पासून सदस्य संघांदरम्यान खेळल्या जाणाऱ्या ट्वेंटी२० सामन्यांना पूर्ण आंतरराष्ट्रीय दर्जा दिला. त्यायोगे या प्रादेशिक पात्रता फेरीतील सर्व सामने आंतरराष्ट्रीय ट्वेंटी२० म्हणून खेळवले गेले. आफ्रिका पात्रतेची सुरुवात उप-प्रादेशिक पात्रता फेऱ्यांसह होईल ज्यात दोन गट असतील, प्रत्येक गटातील अव्वल दोन संघ प्रादेशिक अंतिम फेरीत प्रगती करतील. १ जानेवारी २०२० पर्यंत केन्या आणि नायजेरिया हे दोन सर्वोच्च स्थान मिळवलेले संघ थेट प्रादेशिक अंतिम फेरीत पोहोचले.
उपप्रादेशिक स्पर्धा २७ एप्रिल ते ३ मे २०२० पर्यंत दक्षिण आफ्रिकेत होणार होती; तथापि, २४ मार्च २०२० रोजी, आंतरराष्ट्रीय क्रिकेट समितीने (आयसीसी) पुष्टी केली की ३० जून २०२० पूर्वी होणाऱ्या आयसीसी पात्रता स्पर्धा कोव्हिड-१९ महामारीमुळे पुढे ढकलण्यात आल्या आहेत. डिसेंबर २०२० मध्ये, आयसीसीने साथीच्या रोगाच्या व्यत्ययानंतर पात्रता मार्ग अद्यतनित केला. मार्च २०२१ मध्ये, गट अ आणि ब फेरी पुन्हा पुढे ढकलण्यात आले व दोन्ही गटांचे सामने ऑक्टोबर २०२१ मध्ये होतील असे घोषित करण्यात आली. जुलै २०२१ मध्ये, रवांडा क्रिकेट असोसिएशनने जाहीर केले की, आयसीसीने आफ्रिका पात्रतामधील सर्व सामन्यांसाठी यजमान राष्ट्र म्हणून रवांडाची पुष्टी केली आहे.
२०२१ ट्वेंटी२० क्रिकेट विश्वचषक आफ्रिका पात्रता
या विषयावर तज्ञ बना.