२०१९ फॉर्म्युला वन हंगाम हा एफ.आय.ए. फॉर्म्युला वन शर्यतीचा ७०वा हंगाम होता. ह्या हंगामामध्ये २१ शर्यती खेळवल्या गेल्या ज्यात १० संघांच्या एकूण २० चालकांनी सहभाग घेतला. १७ मार्च २०१९ रोजी ऑस्ट्रेलियामध्ये पहिली तर १ डिसेंबर २०१९ रोजी अबु धाबी मध्ये अखेरची शर्यत खेळवली गेली.
२०१९ च्या हंगामात जागतिक अजिंक्यपद स्पर्धेतील १०००वी शर्यत, चिनी ग्रांप्री, आयोजित करण्यात आली.
लुइस हॅमिल्टनने युनायटेड स्टेट्स ग्रांप्री मध्ये आपल्या कारकिर्दीतील सहावे जागतिक चालक अजिंक्यपद पटकावत सलग दुसऱ्या वर्षी आपले विजेतेपद यशस्वीरीत्या राखले. मर्सिडीजनेही जपानी ग्रांप्रीमध्ये सलग सहाव्यांदा जागतिक कारनिर्माते अजिंक्यपद निश्चित करत आपले विजेतेपद यशस्वीरीत्या राखले. यासह मर्सिडीजने १९९९ ते २००४ या कालावधीत फेरारीने प्रस्थापित केलेल्या सलग सहा कारनिर्माते अजिंक्यपदांच्या विक्रमाची बरोबरी केली.
या हंगामात भविष्यातील जागतिक विजेता लॅन्डो नॉरिस, भविष्यातील ग्रांप्री विजेता जॉर्ज रसल आणि अलेक्झांडर अल्बोन यांनी फॉर्म्युला वनमध्ये पदार्पण केले.
२०१९ फॉर्म्युला वन हंगाम
थोडक्यात पण महत्त्वाचे.
