वेस्ट इंडीज क्रिकेट संघाने तीन आंतरराष्ट्रीय एकदिवसीय सामने (वनडे) खेळण्यासाठी मे-जून २०२२ मध्ये नेदरलँड्सचा दौरा केला. एकदिवसीय मालिका २०२०-२२ आयसीसी क्रिकेट विश्वचषक सुपर लीग अंतर्गत खेळवली गेली. सर्व सामने ॲम्स्टलवीन शहरातील व्ही.आर.ए. मैदान या मैदानावर झाले. ही पहिलीच अशी वेळ होती जेव्हा वेस्ट इंडीजने आंतरराष्ट्रीय एकदिवसीय मालिका खेळण्यासाठी नेदरलँड्सचा दौरा केला. यापूर्वी १९९१ मध्ये दोन ५५ षटकांचे सामने खेळण्यासाठी वेस्ट इंडीज संघ नेदरलँड्सच्या दौऱ्यावर आला होता.
दौऱ्यापूर्वी किरॉन पोलार्डच्या निवृत्तीमुळे निकोलस पूरनला वेस्ट इंडीजचा कर्णधार नेमण्यात आले. शई होपच्या नाबाद ११९ धावांच्या जोरावर वेस्ट इंडीजने पहिला सामना जिंकला. पुढील दोन्ही सामन्यांमध्ये विजय मिळवत वेस्ट इंडीजने मालिका ३-० ने जिंकली.
वेस्ट इंडीज क्रिकेट संघाचा नेदरलँड्स दौरा, २०२२
तुमचे ज्ञान वाढवण्यासाठी वाचा.
