विद्युत वर्गीय क्षेपणास्त्र नौका भारतीय आरमाराच्या लढाऊ नौका होत्या. या प्रकारच्या नौका सोव्हिएत युनियनच्या ओसा १ प्रकारच्या नौकांची सुधारित आवृत्ती होती.
भारताकडे अशा एकूण आठ नौका होत्या. जानेवारी १९७१ ते एप्रिल १९७१ दरम्यान या नौका सेवेत दाखल झाल्या. यांपैकी शेवटची नौका आयएनएस विजेता ३ जून, १९९२ रोजी निवृत्त झाली. या आठही नौका भारतीय आरमाराच्या २५व्या घातक क्षेपणास्त्र स्क्वॉड्रनचे भाग होत्या.
१९७१ च्या भारत पाकिस्तान युद्धातील ऑपरेशन ट्रायडेंट या मोहीमेत यांपैकी तीन नौकांनी महत्त्वाची भूमिका निभावली होती. आयएनएस वीर, आयएनएस निर्घात आणि आयएनएस निपात या नौकांनी पाकिस्तानी आरमाराच्या विनाशिका आणि सुरूंग पेरणाऱ्या नौका बुडविल्या तसेच पाकिस्तानला रसद नेणारे व्यापारी जहाजही बुडवले होते.
विद्युत वर्गीय क्षेपणास्त्र नौका
याची कहाणी तुम्हाला माहित आहे का?