रशियाची लोकसांख्यिकी

क्षेत्रफळानुसार जगातील सर्वात मोठा देश असलेल्या रशियाची २०२१ च्या जनगणनेनुसार याची लोकसंख्या १४.४७ करोड होती. यात संलग्न क्रिमिया द्वीपकल्पात राहणाऱ्या २४,८२,४५० लोकांचा समावेश नाही. २०१० च्या जनगणनेत १४.२८ करोड लोकसंख्या होती. हा युरोपमधील सर्वाधिक लोकसंख्या असलेला देश आहे. आणि जगातील नवव्या क्रमांकाचा लोकसंख्या असलेला देश आहे. लोकसंख्येची घनता ९ रहिवासी प्रति चौरस किलोमीटर (२३ प्रति चौरस मैल) इतकी आहे. रशियामध्ये जन्माच्या वेळी सरासरी आयुर्मान ७०.१ वर्षे आहे. पुरुषांसाठी ६५.५ वर्षे आणि महिलांसाठी ७४.५ वर्षे आहे.

१९९० ते २००१ पर्यंत, रशियाच्या मृत्यू दराने जन्मदर ओलांडला होता. ज्याला विश्लेषकांनी लोकसंख्याशास्त्रीय संकट म्हणून नोंदवले होते. देशाची लोकसंख्या वृद्ध आहे. देशाचे सरासरी वय ४०.३ वर्षे आहे. २००९ मध्ये, रशियाने पंधरा वर्षांत प्रथमच वार्षिक लोकसंख्या वाढ नोंदवली होती. २०१० च्या दशकाच्या मध्यात, रशियामध्ये मृत्यूचे घटते प्रमाण, वाढलेला जन्मदर आणि वाढलेले स्थलांतर यामुळे लोकसंख्या वाढ झाली होती. तथापि, २०२० पासून, कोविड-19 साथीच्या आजारामुळे झालेल्या जास्त मृत्यूमुळे, रशियाच्या लोकसंख्येमध्ये रेकॉर्ड केलेल्या इतिहासातील सर्वात मोठी शांतता काळातील घट झाली आहे. २०२० मध्ये, संपूर्ण रशियामध्ये एकूण प्रजनन दर प्रति स्त्री १.५ मुले जन्माला येण्याचा अंदाज आहे. जो २.१ च्या बदली दरापेक्षा कमी आहे आणि युरोपियन सरासरीच्या जवळपास आहे.

रशिया हे एक बहुराष्ट्रीय राज्य आहे. देशभरात १९३ पेक्षा जास्त वांशिक गट आहेत. २०१० च्या जनगणनेत, अंदाजे ८१% लोकसंख्या जातीने रशियन होती आणि उर्वरित १९% लोकसंख्या वांशिक अल्पसंख्याक होती. रशियाच्या लोकसंख्येच्या चार-पंचमांश पेक्षा जास्त लोकसंख्या युरोपियन वंशाची होती. ज्यात बहुसंख्य पूर्व स्लाव्ह होते. फिनिक आणि जर्मनिक लोकांचे लक्षणीय अल्पसंख्याक होते. युनायटेड नेशन्सच्या मते, रशियाची स्थलांतरित लोकसंख्या जगातील तिसरी सर्वात मोठी आहे. त्यांची संख्या १.१६ करोड पेक्षा जास्त आहे. त्यापैकी बहुतेक सोव्हिएतोत्तर राज्यांतील आहेत.

विकिपीडियावर संपूर्ण लेख वाचा →