बेन्नीगानहळ्ळी हे भारतातील बंगळुरूमधील नम्मा मेट्रोच्या पूर्व-पश्चिम जांभळ्या मार्गिकेवरील एक उन्नत मेट्रो स्थानक आहे. या स्थानकाच्या परिसरात बैय्यप्पनहळ्ळी कडे जाणारे टिन फॅक्टरी जंक्शन, बेन्नीगानहळ्ळी तलाव आणि टिन फॅक्टरी बस स्थानक आहेत. हे ९ स्थानक ऑक्टोबर २०२३ रोजी कोणत्याही उद्घाटन समारंभाशिवाय जनतेसाठी खुले करण्यात आले.
हे स्थानक पश्चिमेकडील बैय्यप्पनहळ्ळी स्थानक आणि पूर्वेकडील कृष्णराजपुरा स्थानकांदरम्यान आहे. संपूर्ण नम्मा मेट्रो प्रणालीच्या पहिल्या टप्पयाचा भाग असलेल्या बैय्यप्पनहळ्ळी स्थानकाचे उद्घाटन २०११ मध्ये झाले, आणि कृष्णराजपुरा ते कडुगोडी येथील अंत्यस्थानकापर्यंतचा मार्गाच्या भागाचे उद्घाटन मार्च २०२३ मध्ये झाले. तथापि, रेल्वे मार्गांवर गर्डर पूल बसवण्याच्या कामात वेळखाऊपणा असल्याने बेन्नीगानहळ्ळी स्थानक उघडता आले नाही. या मार्गावरील चाचणी २७ जुलै २०२३ रोजी सुरू झाली, आणि अखेर ९ ऑक्टोबर २०२३ रोजी हे स्थानक कार्यान्वित झाले.
बेन्नीगानहळ्ळी मेट्रो स्थानक
याबद्दल तुम्हाला सर्वकाही माहित आहे का?
