दिलीपराज प्रकाशन

दिलीपराज प्रकाशन प्रा.लि. ही महाराष्ट्रातील प्रकाशन संस्था आहे. या संस्थेची स्थापना प्रा. द. के. बर्वे यांनी १९७१ मध्ये, ५० पैसे किंमत असलेल्या १५ पानी ‘छान छान नाटुकली’ या पुस्तकाचे प्रकाशन करून केली. या प्रकाशनाने २०१७ अखेर २५०० पुस्तके प्रकाशित केली आहेत. बालसाहित्याबरोबरच मोठ्यांसाठीचे कथासंग्रह, काव्यसंग्रह, समीक्षा, चरित्रे, विज्ञानकथा आणि सर्व प्रकारचे विचार प्रवर्तक आणि माहितीपूर्ण साहित्य प्रकाशित केले जाते. फक्त उच्च अभिरूची असलेले, संस्कृतीचे संवर्धन करणारे आणि निखळ मनोरंजन करणारे गुणवत्तापूर्ण साहित्य छापणे हे या संस्थेचे उद्दिष्ट आहे. दर्जेदार छपाई, बहुरंगी मुखपृष्ठ, रास्त किंमत आणि मराठी भाषिक लोक असलेल्या जगाच्या सर्व काना-कोपऱ्यात वितरण ही दिलीपराज प्रकाशनची काही ठळक वैशिष्ट्ये आहेत. संस्थेचा स्वतःचा प्रेस आहे. दिलीपराज प्रकाशनला भारताचे राष्ट्रपती डॉ. अब्दुल कलाम यांच्या हस्ते २००२ मध्ये, विज्ञान भवन येथे आयोजित समारंभात सर्वोत्कृष्ट प्रकाशनासाठीचा राष्ट्रीय पुरस्कार मिळाला आहे. संस्थेने प्रकाशित केलेल्या १०५ पुस्तकांना राज्य पारितोषिके प्राप्त झाली आहेत.

विकिपीडियावर संपूर्ण लेख वाचा →