अनिल बाबुराव गव्हाणे ( ५ डिसेंबर १९६४) हे ग्रामीण भागातील साहित्यिक आहेत. मराठवाड्यातील बीड जिल्ह्यामधील केज तालुक्यात त्यांचे बोरगाव (बु.) हे गाव होय. नाशिकच्या यशवंतराव चव्हाण महाराष्ट्र मुक्त विद्यापीठातून ते बी.ए. झाले आहेत. त्यांचे बळीराजा आणि भुईच्या वेदनेचे पुरावे हे कवितासंग्रह प्रकाशित झाले असून, त्यांच्या काही कविता, कथा आणि एकांकिका पुण्याच्या किशोर मासिकातूनही प्रसिद्ध झाल्या आहेत. आकाशवाणीच्या उस्मानाबाद, औरंगाबाद, नांदेड, बीड, परभणी आदी केंद्रांवरून गव्हाणे यांचे काव्यवाचन व मुलाखती प्रसारित झाल्या आहेत.
त्यांच्या बळीराजा कवितासंग्रहातील कुणबी माझा ही कविता डॉ. बाबासाहेब आंबेडकर मराठवाडा विद्यापीठाच्या पदवी परीक्षेच्या दुसऱ्या वर्गात जून २०१४ पासून शिकवली जाते.
ते मराठवाडा साहित्य परिषद औरंगाबादचे आजीव सभासद आहेत. त्यांना राज्यस्तरीय यशवंत रत्न (२०१९) तसेच लोक शाहिर आण्णाभाऊ साठे पुरस्कार (२०२१) या पुरस्काराने सन्मानित करण्यात आले आहे.
अनिल बाबुराव गव्हाणे
जाणून घ्या आश्चर्यकारक तथ्ये.
