२०२२ ट्वेंटी२० क्रिकेट विश्वचषक पात्रता गट अ ही आंतरराष्ट्रीय ट्वेंटी२० सामने असलेली क्रिकेट स्पर्धा १८ ते २४ फेब्रुवारी २०२२ दरम्यान ओमानमध्ये खेळवली गेली. सदर स्पर्धा ही २०२२ ट्वेंटी२० क्रिकेट विश्वचषकसाठीच्या खेळवल्या गेलेल्या पात्रता फेरीचा अंतिम टप्पा होता. एप्रिल २०१८ मध्ये, आंतरराष्ट्रीय क्रिकेट समितीने सर्व सदस्य देशांमध्ये होणाऱ्या सर्व ट्वेंटी२० सामन्यांना आंतरराष्ट्रीय ट्वेंटी२० दर्जा देण्याचे जाहीर केल्यामुळे ह्या स्पर्धेतील सर्व सामन्यांना आंतरराष्ट्रीय ट्वेंटी२० दर्जा होता.
गट अ पात्रता स्पर्धेत एकूण आठ देशांनी सहभाग घेतला. आठ देशांना चारच्या दोन गटात विभागले गेले. दोन्ही गटातून अव्वल दोन संघांना उपांत्य फेरीत बढती मिळाली. अंतिम सामन्यात पोचलेले दोन संघ हे २०२२ ट्वेंटी२० क्रिकेट विश्वचषक साठी पात्र ठरले. गट फेरीतून संयुक्त अरब अमिराती, आयर्लंड, ओमान आणि नेपाळ हे चार देश उपांत्य फेरीत गेले. पहिल्या उपांत्य सामन्यात नेपाळचा पराभव करत २०१४ नंतर प्रथमच संयुक्त अरब अमिरातीने ट्वेंटी२० क्रिकेट विश्वचषकात प्रवेश मिळवला. दुसऱ्या उपांत्य सामन्यात ओमानवर सहजरित्या विजय मिळवत आयर्लंडदेखील २०२२ ट्वेंटी२० क्रिकेट विश्वचषकसाठी पात्र ठरला. २०२२ ट्वेंटी२० क्रिकेट विश्वचषकच्या पहिल्या फेरीत कोणत्या गटात प्रवेश करायचा हे ठरवण्यासाठी झालेल्या अंतिम सामन्यात संयुक्त अरब अमिरातीने आयर्लंडचा पराभव करून स्पर्धा जिंकली.
२०२२ आयसीसी पुरुष ट्वेंटी२० क्रिकेट विश्वचषक पात्रता गट अ
तुम्हाला हे नक्कीच माहित नसेल!