१९९० युरोप महिला क्रिकेट चषक ही एक महिला आंतरराष्ट्रीय एकदिवसीय सामने असलेली क्रिकेट स्पर्धा १८-२२ जुलै १९९० दरम्यान इंग्लंडमध्ये आयोजित केली गेली होती. युरोपियन क्रिकेट संघटनेद्वारे सुरू केलेल्या युरोप महिला क्रिकेट चषक स्पर्धेची ही दुसरी आवृत्ती होती. सर्व सामन्यांना हे महिला आंतरराष्ट्रीय एकदिवसीय
दर्जा होता. यजमान इंग्लंडसह डेन्मार्क, आयर्लंड आणि नेदरलँड्स या चार देशांच्या राष्ट्रीय महिला क्रिकेट संघांनी सदर स्पर्धेत भाग घेतला.
स्पर्धा गट फेरी आणि अंतिम सामना या पद्धतीने खेळवलि गेली. सर्व संघांनी एकमेकांशी एक सामना खेळला. गुणफलकात इंग्लंड अव्वल राहत अंतिम सामन्यासाठी पात्र ठरला. आयर्लंड महिलांनी दुसरे स्थान मिळवत इंग्लंडविरुद्ध अंतिम सामना खेळला. अंतिम सामन्यात इंग्लंड महिलांनी आयर्लंडवर ६५ धावांनी विजय मिळवत सलग दुसऱ्यांदा युरोप महिला क्रिकेट चषक जिंकला. इंग्लंडची वेंडी वॉट्सन ही सलग दुसऱ्यावर्षीसुद्धा स्पर्धेत सर्वाधिक २२९ धावा करत आघाडीची खेळाडू ठरली. तर आयर्लंडची सुझॅन ब्रे स्पर्धेत सर्वाधिक ८ गडी मिळवत आघाडीची गोलंदाज ठरली.
१९९० युरोप महिला क्रिकेट चषक
एक संपूर्ण मार्गदर्शक तुमच्यासाठी.