स्प्रिंग टेंपल बुद्ध (चीनी: 中國武術 / इंग्रजी : Spring Temple Buddha) हा चीनच्या लुशान कौंटीमधील जगातील सर्वाधिक उंचीचा पुतळा आहे. डोंगरावर असलेला हा पुतळा इ.स. २००८ मध्ये पूर्ण झाला. इ.स. १९९६ मध्ये ही मुर्ती घडवण्यास सुरू झाली होती आणि इ.स. २००२ मध्ये स्प्रिंग टेंपल मुर्तीचे काम पूर्ण झाले.
स्प्रिंग टेंपल बुद्ध हा पुतळा १२८ मीटर (४२० फुट) उंच आहे, ज्यात २० मीटर (६६ फुट) उंच कमळ-सिंहासन सुद्धा आहे, तसेच मुर्तीच्या २५ मीटर (८२ फुट) उंच आधार/भवनाला यात एकत्रित मोजले तर या मुर्तीची एकूण उंची तब्बल १५३ मीटर (५०२ फुट) होते. स्प्रिंग टेंपल बुद्ध ही जगातील सर्वात उंच मुर्ती आहे. ऑक्टोबर २००८च्या स्थिती नुसार ज्या डोंगरावर हा पुतळा बांधण्यात आला आहे, त्याला पुनःआकार देऊन चौथरा बनवला. त्यामुळे पुतळ्याची एकूण उंची २०८ मीटर (६८२.४ फुट) झाली आहे. या बुद्ध मुर्तीच्या खाली बौद्ध मठ किंवा विहार आहे.
चिनी सरकारने स्प्रिंग टेंपल बुद्धाच्या निर्मीतीच्या योजनेची घोषणा अफगाणीस्तानमध्ये तालिबान द्वारा बामियान मधील बुद्ध मुर्तींच्या ध्वंसाच्या लगेच नंतर केली गेली होती. चीनने अफगाणीस्तान बौद्ध धरोहरच्या योजनाबद्ध विनाशाचा निषेध केला होता.
स्प्रिंग टेंपल बुद्ध
एक संपूर्ण मार्गदर्शक तुमच्यासाठी.
