संतोषी माता किंवा संतोषी माँ ही हिंदू धर्मातील एक अत्यंत लोकप्रिय आणि पूजनीय देवी आहे. विशेषतः विसाव्या शतकाच्या उत्तरार्धात, चित्रपट आणि प्रसारमाध्यमांमुळे या देवीची लोकप्रियता घराघरांत पोहोचली. संतोषी माता ही प्रामुख्याने 'समाधानाची' आणि 'सुखाची' देवी मानली जाते. तिच्या नावाचा अर्थच 'संतोष देणारी माता' असा होतो. संतोषी मातेची पूजा विशेषतः उत्तर भारत आणि नेपाळ मधील महिलांद्वारे मोठ्या प्रमाणावर केली जाते. देवीची कृपा मिळवण्यासाठी महिलांद्वारे सलग १६ शुक्रवारी 'संतोषी मातेचेव्रत' राखले जाते.
संतोषी मातेची महती सुरुवातीला तोंडी, व्रत स्वरूपातील साहित्याद्वारे पसरली. तथापि, १९७५ मध्ये प्रदर्शित झालेला जय संतोषी माँ हा चित्रपट संतोषी मातेच्या लोकप्रियतेचे मुख्य कारण ठरला. या चित्रपटामुळे संतोषी माता केवळ एका विशिष्ट क्षेत्रापुरती मर्यादित न राहता संपूर्ण भारताची आराध्य देवता झाली. हा चित्रपट जसजसा लोकप्रिय होत गेला, तसतशी संतोषी माता अखिल भारतीय हिंदू देवतेच्या पंथात सामील झाली आणि तिची मंदिरे गावागावात उभी केली गेली.
संतोषी माता
याबद्दल तुम्हाला सर्वकाही माहित आहे का?
