प्रशांत बोस

प्रशांत बोस (१९४३ किंवा १९४४ – ३ एप्रिल २०२६), उर्फ किशन किंवा किशन 'दा' हे एक भारतीय राजकारणी तथा

नक्षलवादी होते. ते भारतीय कम्युनिस्ट पक्ष (माओवादी) चे वरिष्ठ पॉलिटब्युरो सदस्य होते. त्यांनी यापूर्वी निर्भय मुखर्जी, काजाल, किशन-दा आणि महेश ही टोपणनावे वापरली होती. एमसीसीआयचे प्रमुख असलेले किशन हे भाकप (माओवादी) मध्ये दुसऱ्या क्रमांकाचे नेते होते. त्यांच्याकडे बिहार आणि झारखंडची जबाबदारी होती आणि ते पक्षाच्या पूर्व प्रादेशिक ब्युरोचे प्रमुख होते. बोस हे एक बंगाली माओवादी नेते होते, तसेच ते पक्षाचे ख्यातनाम विचारवंत म्हणूनही ओळखले जात. १९६७ मध्ये कामगार संघटना कार्यकर्ते म्हणून त्यांनी नक्षलवादी चळवळीत प्रवेश केला आणि भारतातील डाव्या राजकारणात महत्त्वाची भूमिका बजावत राहिले.

सप्टेंबर २००४ मध्ये, 'माओवादी कम्युनिस्ट सेंटर ऑफ इंडिया' आणि 'भारतीय कम्युनिस्ट पक्ष (मार्क्सवादी-लेनिनवादी) पीपल्स वॉर' यांचे विलीनीकरण होऊन भाकप (माओवादी) ची स्थापना झाली. या करारावर माओवादी कम्युनिस्ट सेंटर ऑफ इंडियाच्या केंद्रीय समितीचे सरचिटणीस किशन आणि भाकप (मार्क्सवादी-लेनिनवादी पीपल्स वॉर) च्या केंद्रीय समितीचे सरचिटणीस गणपती यांनी स्वाक्षरी केली होती. बोस हे पक्षाचे मुख्य राजकीय रणनीतीकार होते ज्यांनी विविध प्रतिबंधित संघटनांमध्ये युती करण्यासाठी ईशान्य भारत आणि म्यानमारचा दौरा केला होता.

विकिपीडियावर संपूर्ण लेख वाचा →