जास्वंद

जास्वंद (शास्त्रोक्त नाव: Hibiscus rosa-sinensis) ही एक सपुष्प आणि बहुवार्षिक वनस्पती आहे.



इतर नावे: हरिवल्लभ, जयपुष्पी, रक्तपुष्पी, रुद्रपुष्पी, जपा (संस्कृत), अरुणा, जासुम, जवाकुसुम, रोझेला, जमेका सॉरेल, शू-फ्लॉवर, चायना रोज ही याची इतर नावे आहेत.

भारतातील जास्वंदी ही बहुधा झुडूप स्वरूपात असते. जास्वंदीच्या फुलांना सुगंध नसला, तरीही ती वनस्पती बरीच लोकप्रिय आहे. साहजिकच हे फुलझाड अनेक घरांच्या सभोवताली दिसून येते. जास्वंदीची पांढरी, लालबुंद, पिवळी, भगवी, गुलाबी किंवा जांभळी फुले सार्वजनिक उद्यानांत उठून दिसतात. जास्वंदीच्या फुलाचे बाह्यस्वरूप आकर्षक असते. मधमाश्या, फुलपाखरे आणि काही पक्षी या फुलाकडे आकर्षित होतात. पण हे फूल फार काळ टिकत नाही. सकाळी टवटवीत सौंदर्य उधळणारे हे फूल संध्याकाळी मलूल दिसते. श्री गणेशाला इतर फुलांपेक्षा जास्वंदीचे फूल प्रिय आहे, अशी धार्मिक मान्यता आहे.

विकिपीडियावर संपूर्ण लेख वाचा →