चित्र विचित्र जत्रा ही भारतातील उत्तर गुजरातमध्ये आयोजित होणारी वार्षिक आदिवासी जत्रा आहे. ही जत्रा उत्सव आणि मॅचमेकिंगसह गेल्या वर्षात वारलेल्या लोकांसाठी शोक व्यक्त करण्यासाठी एक कार्यक्रम आहे. या जत्रेला सुमारे ६०,००० लोक येतात. यात प्रामुख्याने गुजरात आणि राजस्थानमधील आसपासच्या गावांतील आदिवासी लोकसंख्या असते.
गुजरात-राजस्थान सीमेजवळ, गुजरातमधील साबरकांठा जिल्ह्यातील पोशिना तालुक्यातील गुणभंखारी गावात ही जत्रा भरते. जत्रेचे ठिकाण वाकल नदीच्या काठावर आहे. येथे साबरमती, वाकल आणि आकल या तीन नद्यांचा संगम होते त्यामुळे हे ठिकाण पवित्र मानले जाते.
ग्रेगोरियन कॅलेंडरमध्ये साधारणपणे मार्च किंवा एप्रिलमध्ये येणाऱ्या होळीच्या सणानंतर येणाऱ्या अमावस्येच्या पहिल्या पूर्वसंध्येला दोन दिवसांसाठी ही जत्रा भरते. जत्रा अमावस्येच्या पूर्वसंध्येला सुरू होते, जेव्हा कुटुंबे त्यांच्या मृत कुटुंबातील सदस्यांची राख नदीत बुडवतात आणि रात्री त्यांच्या जाण्यावर शोक व्यक्त करतात. दुसऱ्या दिवशी त्या ठिकाणी जत्रा भरते.
चित्रविचित्र जत्रा
तुम्हाला हे नक्कीच माहित नसेल!
