डाॅ. कल्याण वासुदेव काळे (१६ डिसेंबर, १९३७; - १७ जानेवारी, २०२१)) हे एक मराठी लेखक आणि मराठी भाषा, साहित्य अभ्यासक तसेच आधुनिक भाषाविज्ञानाचे तज्ज्ञ होते.
यांनी एम.ए. (संस्कृत) आणि एम.ए. (मराठी) या पदव्या मिळवल्या व नंतर १९७८ साली, 'परांड्याचे हंसराज स्वामी: चरित्र, वाङ्मय आणि तत्त्वज्ञान या विषयावर विद्यावचस्पती पदवी मिळवली. त्यांच्या या प्रबंधाला पुणे विद्यापीठाची डॉ. य.वि. परांजपे आणि कै. न.चिं. केळकर ही दोन पारितोषिके मिळाली होती.
काळे हे पुणे विद्यापीठातल्या मराठी विभागात अधिव्याख्याता होते. त्यांनी १९६६ पासून ते नंदुरबार महाविद्यालय, पश्चिम विभागीय भाषा केंद्र (डेक्कन कॉलेज), पुणे विद्यापीठ या संस्थांत, मराठी साहित्य, संस्कृत, मराठी भाषा आणि भाषाविज्ञान या विषयांचे ३१ वर्षे अध्यापन केले. त्यांनी १६ विद्यार्थ्यांना पीएच.डीचे मार्गदर्शन केले. त्यांनी अनेक ग्रंथांत व विविध वाङ्मयीन नियतकालिकांत लेखन केले आहे.
काळे पुण्यातील यशदा या संस्थेत आय.ए.एस.च्या विद्यार्थ्यांना अनेक वर्षे मराठी शिकवत असत. याचबरोबर ते अमराठी विद्यार्थ्यांना मराठी शिकवत असत.
त्यांनी शैलीविज्ञानावर अभ्यास केला. मराठीतील अनेक अभिजात साहित्यकृतींचे सौदर्य त्यांनी शैलीविज्ञानाच्या आधारे उलगडून दाखविले होते.
कल्याण वासुदेव काळे
थोडक्यात पण महत्त्वाचे.
