ऑस्ट्रेलिया राष्ट्रीय महिला क्रिकेट संघाने मार्च-एप्रिल २०२१ दरम्यान तीन महिला आंतरराष्ट्रीय एकदिवसीय सामने (महिला वनडे) आणि तीन महिला आंतरराष्ट्रीय ट्वेंटी२० सामने खेळण्यासाठी न्यू झीलंडचा दौरा केला. हा दौरा एक वर्षाने पुढे ढकलेल्या महिला क्रिकेट विश्वचषकाच्या कालावधीत झाला. फेब्रुवारी-मार्च २०२१ मध्ये न्यू झीलंडमध्येच महिला क्रिकेट विश्वचषक नियोजित वेळापत्रकानुसार होणार होता, परंतु कोरोनाव्हायरसच्या संक्रमणाचा धोका लक्षात घेऊन आंतरराष्ट्रीय क्रिकेट संघटनेनी विश्वचषक स्पर्धा एक वर्ष पुढे ढकलली. त्यामुळे न्यू झीलंड महिला संघाला सराव व्हावा या अनुशंगाने ऑस्ट्रेलिया महिला संघ आंतरराष्ट्रीय सामन्यांसाठी न्यू झीलंडला आला. महिला ट्वेंटी२० सामने हे न्यू झीलंड पुरुष संघाच्या बांगलादेशविरुद्धच्या ट्वेंटी२० सामन्यांच्या दिवशीच त्याच मैदानात काही तासांच्या अंतराने होणार आहेत. न्यू झीलंडचे नेतृत्व सोफी डिव्हाइन हिने केले तर अनुभवी मेग लॅनिंग हिला ऑस्ट्रेलियाची कर्णधार म्हणून कायम केले गेले.
ऑस्ट्रेलियाने पहिला महिला ट्वेंटी२० सामना सहा गडी राखून जिंकला तर न्यू झीलंडने दुसरा सामना चार गडी राखून जिंकूत मालिका बरोबरीत आणली. तिसरा सामना हा पावसामुळे २.५ षटकांनंतर रद्द करण्यात आल्याने तीन सामन्यांची महिला ट्वेंटी२० मालिका १-१ अशी बरोबरीत सुटली. एकदिवसीय मालिकेतील पहिला सामना जिंकत ऑस्ट्रेलिया महिलांनी सलग २२ एकदिवसीय सामने जिंकण्याच्या विक्रम केला. २००२-०३ दरम्यानच्या रिकी पाँटिंगच्या नेतृत्वात पुरुष संघाच्या २१ अपराजित एकदिवसीय सामन्यांचा विक्रम ऑस्ट्रेलिया महिलांनी मोडला. ऑस्ट्रेलिया महिलांनी महिला आंतरराष्ट्रीय एकदिवसीय मालिका ३-० ने जिंकली.
ऑस्ट्रेलिया महिला क्रिकेट संघाचा न्यू झीलंड दौरा, २०२०-२१
याबद्दल तुम्हाला सर्वकाही माहित आहे का?
