इंग्लंड क्रिकेट संघाने तीन आंतरराष्ट्रीय एकदिवसीय सामने (वनडे) खेळण्यासाठी जून २०२२ मध्ये नेदरलँड्सचा दौरा केला. एकदिवसीय मालिका २०२०-२२ आयसीसी क्रिकेट विश्वचषक सुपर लीग अंतर्गत खेळवली गेली. मूलत: सदर सामने मे २०२१ मध्ये नियोजित होते. परंतु कोव्हिड-१९मुळे मालिका पुढे ढकलण्यात आली. सर्व सामने ॲम्स्टलवीन शहरातील व्ही.आर.ए. मैदान या मैदानावर झाले. ही पहिलीच अशी वेळ होती जेव्हा इंग्लंडने आंतरराष्ट्रीय एकदिवसीय मालिका खेळण्यासाठी नेदरलँड्सचा दौरा केला.
पहिल्या वनडे सामन्यात इंग्लंडने ४९८ धावांचा डोंगर उभारला. इंग्लंडने २०१८ साली स्थापलेला वनडेतील सर्वोच्च धावसंख्येचा विक्रम मोडला. तसेच लिस्ट-अ क्रिकेटमधील देखील ही सर्वोच्च धावसंख्या ठरली. इंग्लंडने पहिला सामना २३२ धावांनी जिंकला. नेदरलँड्सचा कर्णधार पीटर सीलार याने पाठीच्या दुखण्यामुळे आंतरराष्ट्रीय क्रिकेटमधून निवृत्ती जाहीर केल्याने शेवटच्या दोन सामन्यांकरिता स्कॉट एडवर्ड्सला नेदरलँड्सचा कर्णधार नेमले गेले. इंग्लंडने दुसरा सामना जिंकत मालिकाविजय नोंदवला.
इंग्लंड क्रिकेट संघाचा नेदरलँड्स दौरा, २०२२
याबद्दल तुम्हाला सर्वकाही माहित आहे का?
