आल्फोन्सिना ओर्सिनी (१४७२ - ७ फेब्रुवारी, १५२०) ही फिरेंझेच्या मेदिची घराण्यातील एक राज्यकर्ती होती. १५१५-१५१९ या काळात तिचा मुलगा लोरेन्झो दुसरा दे मेडिसी याच्या अनुपस्थितीत तिने फिरेंझेच्या प्रजासत्ताकावर राज्य केले. तिचा जन्म इटलीतील एका श्रीमंत आणि जहागिरदार कुटुंबात झाला आणि ती नापोलीच्या राजदरबारात वाढली. ती १४८८ मध्ये तिचे लग्न पिएरो दि लॉरेंझो दे मेदिचीशी झाले. हिला लॉरेंझो दि पिएरो दे मेदिची, क्लॅरिचे आणि लुईसा अशी तीन अपत्ये झाली. पिएरोच्या सत्ताकालात गिरोलामो साव्होनारोला आणि त्याच्या पित्त्यांनी मेदिचींना फिरेंझेमधून हाकलून दिल्यानंतर तिने फिरेंझेवर मेदिचींची सत्ता पुन्हा प्रस्थापित करण्यासाठी कामा केले. तिने आपल्या मुलासाठी फ्रेंच शाही वधू शोधली. आल्फोन्सिनाचा तिचा मेहुणा पोप लिओ दहाव्याच्या दरबारातही प्रभाव होता.
आपल्या संपूर्ण आयुष्यात तिने तिच्या संपत्तीचा, पदाचा आणि संबंधांचा वापर गरीब आणि दुर्लक्षित लोकांना मदत करण्यासाठी केला. याशिवाय तिने कुटुंबाची शक्ती आणि संपत्ती वाढवण्यासाठी देखील यांचा वापर केला. तिने फिरेंझे आणि रोममधील कला आणि कलाकारांना आश्रय दिला आणि धार्मिक इमारतींचे नूतनीकरण तसेच कुटुंबासाठी राजवाडे बांधून घेतले.
ओर्सिनीचा जन्म १४७२ मध्ये ती कॅतेरिना सान्सेव्हेरिनो आणि रॉबेर्तो ओर्सिनी यांची मुलगी होती. तिचे वडील तालियाकोझ्झो आणि आल्बाचे काउंट होते. तिचे संगोपन नापोलीच्या पहिल्या फेर्दिनांदच्या दरबारात झाले. १४८६ मध्ये आल्फोन्सिनाचा विवाह पिएरो दि लॉरेंझो दे मेदिची बरोबर त्याचे काका बेर्नार्दो रुसेलाई यांच्या मध्यस्थीने झाला. रुसेलाई ने पिएरोच्या वतीने त्यावेळी दूरस्थ लग्न केले. फेब्रुवारी १४८८ मध्ये तिने तिच्या पतीसोबत रोममध्ये झालेल्या लग्नात १२,००० डुकाटचा हुंडा आणला. या लग्नाला फेर्दिनां आणि त्याची पत्नी आरागोनची जोआना उपस्थित होते. लग्नानंतर ती मे १४८८ मध्ये फिरेंझेला आली.
आल्फोन्सिना ओर्सिनी
तुमचे ज्ञान वाढवण्यासाठी वाचा.
