आँखे हा १९९३ चा भारतीय हिंदी भाषेतील अॅक्शन कॉमेडी चित्रपट आहे जो डेव्हिड धवन दिग्दर्शित आणि अनीस बझ्मी यांनी लिहिलेला आहे. यात गोविंदा, चंकी पांडे, रागेश्वरी, रितू शिवपुरी, शिल्पा शिरोडकर, कादर खान, सदाशिव अमरापूरकर, शक्ती कपूर आणि राज बब्बर यांच्या भूमिका आहेत. गोविंदा, कादर खान आणि राज बब्बर हे दुहेरी भूमिकेत आहेत.
हा १९९३ मधील सर्वाधिक कमाई करणारा भारतीय चित्रपट होता.तेलुगुमध्ये पोकिरी राजा (१९९५) या नावाने त्याचा रिमेक करण्यात आला.
हा चित्रपट १९७७ च्या कन्नड चित्रपट किट्टू पुट्टू पासून प्रेरित असल्याचे वृत्त आहे. हा चित्रपट १९६७ च्या तमिळ चित्रपट अनुबावी राजा अनुबावी वरून देखिल प्रेरित होता. या चित्रपटाचा हिंदीमध्ये १९७३ मध्ये दो फूल या नावाने पुनर्निर्मिती करण्यात आली होती. हे १९९० मध्ये प्रदर्शित झालेल्या चांगू मांगू या मराठी चित्रपटावरून देखील रूपांतरित केले आहे.
३९ व्या फिल्मफेर पुरस्कारांमध्ये, चित्रपटाला ४ नामांकने मिळाली - सर्वोत्कृष्ट चित्रपट, सर्वोत्कृष्ट दिग्दर्शक (धवन), सर्वोत्कृष्ट अभिनेता (गोविंदा) आणि सर्वोत्कृष्ट विनोदी कलाकार (खान).
आँखे (१९९३ चित्रपट)
एका नवीन दृष्टिकोनातून पहा.