अक्षरधारा बुक गॅलरी ही १९९४ पासून महाराष्ट्रातील विविध ठिकाणी पुस्तकांची प्रदर्शने भरवणारी पुण्याची नामांकित संस्था आहे.ही संस्था साहित्य व संस्कृतीविषयक विविध उपक्रमांद्वारे वाचकांच्या मनांत पुस्तकांविषयी प्रेम, जिव्हाळा आणि आपुलकी वाढावी यासाठी प्रयत्नशील असते.पुण्यात बाजीराव रस्ता आणि डहाणूकर कॉलनी, कोथरूड येथे अक्षरधाराची पुस्तक दालने आहेत.
रमेश राठिवडेकर हे अक्षरधाराचे संचालक आहेत. रघुवीर ढवळे यांनी सुरू केलेल्या ढवळे ग्रंथ यात्रेच्या सुरुवातीपासून ते अखेरीपर्यंत १९८६ ते १९९३ या काळात राठिवडेकर तेथे शिपायापासून ते व्यवस्थापक पदापर्यंत कार्यरत होते. या अनुभावाच्या जोरावरच त्यांनी १३ ऑक्टोबर १९९४ रोजी अक्षरधाराची स्थापना केली. अक्षरधाराने महाराष्ट्रात अनेक ठिकाणी ग्रंथप्रदर्शने भरवली. फेब्रुवारी २०१० मध्ये अक्षरधारा बुक गॅलरी नावाने कायमस्वरूपी पुस्तक दालन पुण्यात बाजीराव रस्ता येथे सुरू केले.
अक्षरधारा
थोडक्यात पण महत्त्वाचे.