२०२५ पुरुष मदिना चषक ही ३० मे ते १ जून २०२५ या कालावधीत बेल्जियममध्ये आयोजित करण्यात आलेली पुरुष ट्वेंटी-२० आंतरराष्ट्रीय क्रिकेट स्पर्धा होती. स्पर्धेत यजमान बेल्जियमसह माल्टा आणि पोर्तुगाल या तीन संघांनी भाग घेतला.
स्पर्धेतील सर्व सामने झेम्स्ट येथील स्टार्स अरेना होफस्टाडे मैदानावर खेळवण्यात आले. साखळी फेरीत प्रत्येक संघाने इतर दोन्ही संघांविरुद्ध प्रत्येकी दोन सामने खेळले. साखळी फेरीतील अव्वल दोन संघांनी अंतिम सामन्यात प्रवेश केला.
पोर्तुगालने साखळी फेरीतील चारही सामने जिंकून गुणतालिकेत पहिले स्थान मिळवले, तर बेल्जियमने दुसरे स्थान मिळवून अंतिम सामन्यात प्रवेश केला. अंतिम सामन्यात बेल्जियमने पोर्तुगालचा ४४ धावांनी पराभव करून स्पर्धेचे विजेतेपद पटकावले.
पोर्तुगालच्या शार्न गोम्सने स्पर्धेत सर्वाधिक १७३ धावा केल्या, तर बेल्जियमच्या राहुलकुमार हाशूने सर्वाधिक १३ बळी घेतले.
२०२५ पुरुष मदिना चषक
या विषयातील रहस्ये उलगडा.