हबीब तन्वीर

हबीब तन्वीर (१ सप्टेंबर १९२३ - ८ जून २००९) एक सर्वाधिक लोकप्रिय हिंदी व उर्दू नाटककार, नाट्य दिग्दर्शक, कवी आणि अभिनेता होते. आग्रा बाजार (१९५४) आणि चरणदास चोर (१९७५) अशा नाटकांचे ते लेखक होते. १९५९मध्ये भोपाळ येथे त्यांनी स्थापन केलेल्या नया थिएटर या नाटक मंडळीमध्ये छत्तीसगढ़ी आदिवासींबरोबर काम केल्याबद्दल ते ओळखले जात असत.

आपल्या हयातीत त्यांनी १९६९ मध्ये संगीत नाटक अकादमी पुरस्कार, १९७९ मध्ये जवाहरलाल नेहरू फेलोशिप, १९८३ मध्ये पद्मश्री पुरस्कार, १९९० मध्ये कालिदास सन्मान पुरस्कार, १९९६ मध्ये संगीत नाटक अकादमी फेलोशिप आणि २००२ मध्ये पद्मभूषण पुरस्कार यासह अनेक राष्ट्रीय व आंतरराष्ट्रीय पुरस्कार जिंकले. त्याशिवाय त्यांना भारतीय संसदेच्या, राज्यसभेचे सदस्य होण्यासाठी (१९७२-१९७८) उमेदवारी देण्यात आली होती.

विकिपीडियावर संपूर्ण लेख वाचा →