सत्या हा १९९८ मधील भारतीय हिंदी -भाषेतील गुन्हेगारी चित्रपट आहे, ज्याची निर्मिती आणि दिग्दर्शन राम गोपाल वर्मा यांनी केले आहे व सौरभ शुक्ला आणि अनुराग कश्यप यांनी लिहिले आहे. यात सौरभ शुक्ला, आदित्य श्रीवास्तव आणि परेश रावल यांच्यासोबत जेडी चक्रवर्ती, उर्मिला मातोंडकर आणि मनोज बाजपेयी यांच्या भूमिका आहेत. भारतातील संघटित गुन्हेगारीबद्दल वर्मा यांच्यागँगस्टर ट्रायलॉजीपैकी हा पहिली आहे. हा चित्रपट सत्याची (चक्रवर्ती) गोष्ट सांगतो, जो नोकरीच्या शोधात मुंबईत येतो, भिकू म्हात्रे (बाजपेयी) शी मैत्री करतो आणि मुंबई अंडरवर्ल्डमध्ये ओढला जातो.
या चित्रपटाला सहा फिल्मफेर पुरस्कार आणि एक राष्ट्रीय चित्रपट पुरस्कार मिळाला.
चित्रपटाचे गीत विशाल भारद्वाज यांनी संगीतबद्ध केला होता, ज्याचे बोल गुलजार यांनी दिले होते. संदीप चौटा यांनी पार्श्वसंगीत तयार केले. चित्रपटामध्ये सहा गाणी आहेत. लता मंगेशकर, आशा भोसले, सुरेश वाडकर, मनो, हरिहरन आणि भूपिंदर सिंग हे गायक होते.
सत्या (१९९८ चित्रपट)
तुम्हाला हे नक्कीच माहित नसेल!