व्हानुआतू राष्ट्रीय क्रिकेट संघ

वानुआतू राष्ट्रीय क्रिकेट संघ हा आंतरराष्ट्रीय क्रिकेटमध्ये वानुआतू प्रजासत्ताक देशाचे प्रतिनिधित्व करणारा संघ आहे. या संघाचे आयोजन वानुआतू क्रिकेट संघटनेने केले आहे, जे 1995 मध्ये आंतरराष्ट्रीय क्रिकेट परिषद (आयसीसी) या संघटनेशी संलग्न सदस्य बनले आणि २००९ हा देश सहसदस्य झाला. वानुआतूने 1979च्या पॅसिफिक क्रीडा स्पर्धेत आंतरराष्ट्रीय क्रिकेटमध्ये पदार्पण केले होते, त्या वेळी या देशाला न्यू हेब्रिड्स या नावाने ओळखले जात असे. संघाचे बहुतेक सामने आयसीसी पूर्व आशिया-पॅसिफिक विभागातील इतर सदस्यांविरूद्ध झाले आहेत, ज्यात आयसीसी प्रादेशिक स्पर्धा तसेच पॅसिफिक गेम्समधील क्रिकेट स्पर्धांचाही समावेश आहे.

२००८ मधील डिव्हिजन फाइव्ह स्पर्धेतून वानुआतू वर्ल्ड क्रिकेट लीगमध्ये दाखल झाला. २०१५ डिव्हिजन सिक्स स्पर्धेद्वारे संघाने डब्ल्यूसीएल सिस्टममध्ये भाग घेतला. त्यात या संघाने तिसरा क्रमांक मिळविला. २०१६ मधील डिव्हिजन फाइव्ह स्पर्धेतून सुरिनामने माघार घेतल्यानंतर या संघाच्या जागी वानुआतूचा समावेश करण्यात आला.

एप्रिल 2018 मध्ये, आयसीसीने आपल्या सर्व सदस्यांना ट्वेंटी -20 आंतरराष्ट्रीय (टी-20 आय) पूर्ण दर्जा देण्याचा निर्णय घेतला. म्हणून, 1 जानेवारी 2019 नंतर वानुआतू आणि आयसीसीच्या इतर सदस्य देशांना ट्वेन्टी -20चा दर्जा मिळाला. वानुआतूने 22 मार्च 2019 रोजी पापुआ न्यू गिनिआविरुद्ध आपला पहिला टी -20 सामना खेळला. एप्रिल 2019 नंतर, वानुआतू संघ २०१९-२१ च्या आयसीसी क्रिकेट विश्वचषक चॅलेंज लीगमध्ये खेळला.

विकिपीडियावर संपूर्ण लेख वाचा →