वॉर (२०१९ चित्रपट)

वॉर हा २०१९ चा भारतीय हिंदी भाषेतील अ‍ॅक्शन थ्रिलर चित्रपट आहे जो सिद्धार्थ आनंद दिग्दर्शित आहे आणि यशराज फिल्म्स अंतर्गत आदित्य चोप्रा निर्मित आहे. ह्यात हृतिक रोशन आणि टायगर श्रॉफ मुख्य भूमिकेत आहेत व त्यांच्यासोबत वाणी कपूर आणि आशुतोष राणा आहेत. चित्रपटात, एका भारतीय रॉ (संशोधन आणि विश्लेषण विभाग) एजंटला त्याच्या माजी मार्गदर्शकाला, जो आता बदमाश झाला आहे, संपवण्यासाठी नेमले जाते.

सप्टेंबर २०१८ मध्ये मुख्य छायाचित्रण सुरू झाले. १५ जुलै २०१९ रोजीतात्पुरते शीर्षक फायटर्स हे जाहीर करण्यात आले. हा चित्रपट अंदाजे १५० कोटी (US$३३.३ दशलक्ष) च्या बजेटमध्ये बनवण्यात आला होता. आणि आणखी २० कोटी (US$४.४४ दशलक्ष) प्रिंट आणि जाहिरातींवर खर्च केले. विशाल-शेखर यांनी संगीत तयार केला होता, तर पार्श्वसंगीत संचित बलहारा आणि अंकित बलहारा यांनी केले होते.

२ ऑक्टोबर २०१९ रोजी गांधी जयंतीच्या निमित्ताने तेलुगू आणि तमिळ भाषेतील डब केलेल्या आवृत्त्यांसह वॉर थिएटरमध्ये प्रदर्शित झाला. चित्रपटाच्या अ‍ॅक्शन सीक्वेन्स, दिग्दर्शन, छायांकन, गीत आणि कलाकारांच्या कामगिरीबद्दल कौतुकासह सकारात्मक पुनरावलोकने मिळाली; परंतु पटकथेवर टीका झाली. हा चित्रपट व्यावसायिकदृष्ट्या यशस्वी झाला आणि 4.75 अब्ज (US$१०५.४५ दशलक्ष) कमाई करून २०१९ मधील सर्वाधिक कमाई करणारा भारतीय चित्रपट ठरला. वॉर २ नावाचा सिक्वेल १४ ऑगस्ट २०२५ रोजी प्रदर्शित होणार आहे.

विकिपीडियावर संपूर्ण लेख वाचा →