रनमोर एथोलसन जॉन मार्टिनेझ (जन्म २४ जून १९६७) हे श्रीलंकेचे पंच आणि माजी प्रथम श्रेणी क्रिकेट खेळाडू आहेत. मार्टिनेझ यांनी मोरातुवा येथील 'सेबेस्टियनाइट्स क्रिकेट अँड ॲथलेटिक क्लब'साठी प्रथम श्रेणी क्रिकेट खेळले. त्यांची कारकीर्द अल्पकालीन होती आणि त्यांनी केवळ चार प्रथम श्रेणी सामन्यांत सहभाग घेतला होता.
त्यांनी १९९६ मध्ये पंच म्हणून काम करण्यास सुरुवात केली आणि २००० मध्ये त्यांची 'प्रीमियर डिव्हिजन'मध्ये पदोन्नती झाली.
२०१५ क्रिकेट विश्वचषकातील सामन्यांसाठी पंच म्हणून काम करणाऱ्या वीस पंचांपैकी एक म्हणून त्यांची निवड करण्यात आली होती. जानेवारी २०१८ मध्ये, १९ वर्षांखालील क्रिकेट विश्वचषक, २०१८साठी नेमण्यात आलेल्या सतरा मैदानी पंचांपैकी एक म्हणून त्यांची निवड झाली.
रनमोर मार्टिनेझ
याची कहाणी तुम्हाला माहित आहे का?