युनायटेड स्टेट्स एर फोर्स अकॅडेमीतून उत्तीर्ण झालेल्या अनेक अधिकाऱ्यांनी पुढे जाऊन अंतराळवीर, वायुसेना प्रमुख आणि विविध क्षेत्रांतील जागतिक नेते म्हणून मोठी कामगिरी बजावली आहे.
या अकॅडमीची स्थापना १९५४ मध्ये झाली, १९५५ मध्ये पहिली तुकडी दाखल झाली आणि १९५९ मध्ये पहिली तुकडी पदवीधर झाली. येथे प्रवेश मिळालेल्या सर्व विद्यार्थ्यांना एर फोर्समधील कॅडेट हे पद दिले जाते. क्रीडा माध्यमे अकॅडमीचा उल्लेख अधिकृतरणे एर फोर्स असा करतात. बहुतेक कॅडेट्सना युनायटेड स्टेट्स काँग्रेस प्रणालीद्वारे प्रवेश दिला जातो. येथे शिकवला जाणारा अभ्यासक्रम व्यापक आहे परंतु बव्हंशी विज्ञान आणि अभियांत्रिकीवर भर दिला जातो. १९५९ मधील पहिल्या पदवीधर तुकडीपूर्वी, युनायटेड स्टेट्स मिलिटरी अकॅडमी आणि युनायटेड स्टेट्स नेव्हल अकॅडमी या एर फोर्स आणि त्याच्या पूर्ववर्ती आर्मी एर कोर आणि आर्मी एर फोर्सेससाठी अधिकाऱ्यांचे मुख्य स्रोत होते. अकॅडमीचा मुख्य भर एर फोर्स आणि स्पेस फोर्सवर असला तरी, काही पदवीधरांना युनायटेड स्टेट्स आर्मी, युनायटेड स्टेट्स नेव्ही, युनायटेड स्टेट्स मरीन कॉर्प्स, किंवा युनायटेड स्टेट्स कोस्ट गार्डमध्ये सेवा देण्याचा पर्याय दिला जातो.
ही यादी एर फोर्स अकॅडमीचे पदवीधर, बिगर-पदवीधर माजी कॅडेट्स, वर्तमान कॅडेट्स आणि प्राध्यापकांमधून तयार करण्यात आली आहे. विविध शैक्षणिक क्षेत्रातील ४१० हून अधिक नामांकित विद्वान हे अकॅडमीचे पदवीधर आहेत, ज्यामध्ये: ४१ रोड्स स्कॉलर्स, २४ मार्शल स्कॉलर्स, १३ हॅरी एस. ट्रुमन स्कॉलर्स, ११५ जॉन एफ. केनेडी स्कूल ऑफ गव्हर्नमेंट स्कॉलर्स आणि ३१ गेरहार्ट स्कॉलर्स समाविष्ट आहेत. इतर उल्लेखनीय पदवीधरांमध्ये ७९४ जनरल अधिकारी, युद्धात मारले गेलेले १६४ पदवीधर, परत आलेले ३६ युद्धकैदी, १ मेडल ऑफ ऑनर प्राप्तकर्ता आणि २ कॉम्बॅट एसेस समाविष्ट आहेत. अकॅडमीचे ३९ पदवीधर अंतराळवीर झाले आहेत, जे उच्च शिक्षण संस्थांमध्ये केवळ युनायटेड स्टेट्स नेव्हल अकॅडमी (५२) नंतर दुसऱ्या क्रमांकावर आहेत.
युनायटेड स्टेट्स एर फोर्स अकॅडेमीचे माजी विद्यार्थी
तुम्हाला हे नक्कीच माहित नसेल!
