मधु दीक्षित (जन्म २१ नोव्हेंबर १९५७) या एक भारतीय हृदय व रक्तवाहिन्यासंबंधी जीवशास्त्रज्ञ, फार्माकोलॉजिस्ट आहेत. त्यांनी (२०१५ - २०१७) वैज्ञानिक आणि औद्योगिक संशोधन परिषदेच्या केंद्रीय औषध संशोधन संस्थेच्या संचालिका म्हणून काम केले आहे. थ्रॉम्बोसिस सारख्या हृदय व रक्तवाहिन्यासंबंधी पॅथॉलॉजीजवरील अभ्यासासाठी त्या प्रसिद्ध आहेत. त्या कार्लटन विद्यापीठातील सहायक प्राध्यापिका देखील आहेत. त्यांच्या अभ्यासाचे अनेक लेखांद्वारे दस्तऐवजीकरण केले गेले आहे आणि रिसर्चगेट, वैज्ञानिक लेखांच्या ऑनलाइन भांडाराने त्यापैकी २०४ लेख सूचीबद्ध केले आहेत. भारतीय विज्ञान अकादमी, राष्ट्रीय विज्ञान अकादमी, भारत आणि भारतीय राष्ट्रीय विज्ञान अकादमी या तिन्ही प्रमुख भारतीय विज्ञान अकादमींनी त्यांची फेलो म्हणून निवड केली आहे. त्यांनी यंग सायंटिस्ट मेडल (१९८९) देखील प्राप्त केलेले आहे. तसेच भारतीय राष्ट्रीय विज्ञान अकादमीचे प्रोफेसर केपी भार्गव मेमोरियल मेडल (१९९९) देखील प्राप्त केलेले आहे. भारत सरकारच्या बायोटेक्नॉलॉजी विभागाने त्यांना २००० मध्ये बायोसायन्समधील योगदानाबद्दल कारकीर्द डेव्हलपमेंटसाठी राष्ट्रीय जैवविज्ञान पुरस्कार प्रदान केला, जो सर्वोच्च भारतीय विज्ञान पुरस्कारांपैकी एक आहे.
विकिपीडियावर संपूर्ण लेख वाचा →मधु दीक्षित
याची कहाणी तुम्हाला माहित आहे का?