ब्रसेल्स विमानतळ

ब्रसेल्स विमानतळ (डच: Luchthaven Brussel-Nationaal, फ्रेंच: Aéroport de Bruxelles-National) (आहसंवि: BRU, आप्रविको: EBBR) हा बेल्जियम देशाच्या ब्रसेल्स शहरामधील प्रमुख विमानतळ आहे. ब्रसेल्स शहराच्या ११ किमी ईशान्येस फ्लांडर्स भागात स्थित असलेला हा विमानतळ २०१३ साली युरोपमधील २५व्या क्रमांकाच्या वर्दळीचा विमानतळ होता.

दुसऱ्या महायुद्धकाळामध्ये बेल्जियम नाझी जर्मनीच्या अधिपत्याखाली असताना इ.स. १९४० साली नाझींनी हा विमानतळ बांधला. जर्मनीचा पाडाव झाल्यानंतर १९४८ साली बेल्जियम सरकारने हा विमानतळ वापरण्याचे ठरवले व येथे अनेक सुधारणा केल्या. ब्रसेल्स एरलाइन्स ह्या बेल्जियमच्या राष्ट्रीय विमान वाहतूक कंपनीचा मुख्य वाहनतळ येथेच आहे.

विकिपीडियावर संपूर्ण लेख वाचा →