फॅबियानो कारुआना (जन्म जुलै ३०, १९९२) हा एक इटालियन आणि अमेरिकी बुद्धिबळ ग्रॅंडमास्टर आहे जो पाच वेळेचा अमेरिकी बुद्धिबळ विजेता झाला आहे. २८४४ च्या सर्वोच्च गुणांकनासह, कारुआना इतिहासातील तिसरा सर्वोच्च गुणांकना असलेला खेळाडू आहे. जुलै १५, २००७ रोजी कारुआना १४ वर्षे, ११ महिने, २० दिवस इतक्या वयाचा असताना ग्रॅंडमास्टर झाला.
२०१४-१५ मध्ये फिडे ग्रँड प्रिक्स जिंकून, कारुआना २०१६ च्या कॅंडिडेटस् स्पर्धेसाठी पात्र ठरला, जिथे तो सर्गेई कर्जाकिन नंतर दुसऱ्या स्थानावर राहिला. त्याने पुढील २०१८ कॅंडिडेटस् स्पर्धा जिंकली, जेथे तो १९७२ मध्ये बॉबी फिशर नंतर निर्विवाद जागतिक बुद्धिबळ अजिंक्यपद स्पर्धेसाठी पहिला अमेरिकी आव्हानकर्ता बनला. अजिंक्यपद सामन्यापूर्वी, त्याने ग्रेंके चेस क्लासिक, नॉर्वे चेस जिंकला आणि सिंकफिल्ड कपमध्ये प्रथम स्थान मिळवले. सामन्या दरम्यान सर्व बारा क्लासिकल सामने बरोबरीत सोडल्यानंतर कॅरुआनाने मॅग्नस कार्लसनकडून रॅपिड टायब्रेकमध्ये बुद्धिबळ विश्वविजेतेपद गमावले. तो पात्र ठरून पुढील सर्व कॅंडिडेटस् स्पर्धेत सहभागी झाला : २०२०, २०२२ आणि २०२४. सध्या तो २०२६ कॅंडिडेटस् स्पर्धेत देखील पात्र ठरला आहे. २०२५ मध्ये, त्याने ईस्पोर्ट्स संघटना टीम लिक्विडशी करार केला.
फॅबियानो कारुआना
याचे महत्त्व तुम्हाला आश्चर्यचकित करेल.
