फिर हेरा फेरी हा २००६ मध्ये नीरज व्होरा यांनी लिहिलेला आणि दिग्दर्शित केलेला हिंदी भाषेतील विनोदी चित्रपट आहे. हा चित्रपट हेरा फेरी (२०००) चा सिक्वेल आणि हेरा फेरी फ्रँचायझीचा दुसरा भाग आहे.
या चित्रपटात अक्षय कुमार, सुनील शेट्टी, परेश रावळ मागील चित्रपटातील भूमिका पुन्हा सादर करत आहेत, तर बिपाशा बासू, रिमी सेन, शरत सक्सेना, जॉनी लीवर, राजपाल यादव, मिलिंद गुणाजी, मनोज जोशी आणि रजाक खान यांच्यासारख्या कलाकारांचा पण समावेश आहे. मागील चित्रपटातील घटनांनंतर, राजू (कुमार), श्याम (शेट्टी) आणि बाबुराव (रावल) यांचे जीवन बदलते; पण अनुराधा (बासू) त्यांना फसवते. त्यांना आता तिवारी (सक्सेना) या भयानक गुंडाकडून घेतलेले पैसे परत करण्यासाठी दुसरा मार्ग शोधावा लागतो.
९ जून २००६ रोजी प्रदर्शित झाल्यानंतर, हा चित्रपट व्यावसायिकदृष्ट्या मोठा यशस्वी ठरला. त्या वर्षातील सर्वाधिक कमाई करणारा हा ८ वा चित्रपट ठरला. गेल्या काही वर्षांत, या चित्रपटाला एक कल्ट दर्जा मिळाला आहे. हा चित्रपट लॉक, स्टॉक अँड टू स्मोकिंग बॅरल्स (१९९८) या ब्रिटिश चित्रपटावर आधारित आहे.
फिर हेरा फेरी
थोडक्यात पण महत्त्वाचे.