पीटर स्विडलर

प्योटर वेनियामिनोविच स्विडलर (जन्म: १७ जून १९७६), सामान्यतः पीटर स्विडलर म्हणून ओळखला जातो, हा रशियन बुद्धिबळ ग्रँडमास्टर आणि समालोचक आहे जो आठ वेळेचा रशियन बुद्धिबळ विजेता आहे.

स्विडलरने तीन जागतिक बुद्धिबळ अजिंक्यपद स्पर्धांमध्ये भाग घेतला आहे: २००२ आणि २००५ मध्ये विभाजित विजेतेपदासह फिडे जागतिक बुद्धिबळ अजिंक्यपद स्पर्धा आणि २००७ मध्ये पुनर्मिलनानंतर जागतिक बुद्धिबळ अजिंक्यपद स्पर्धा मध्ये. तो २०१३, २०१४ आणि २०१६ या तीन कॅंडिडेट्स स्पर्धांमध्येही खेळला. या स्तरावर त्याचे सर्वोत्तम निकाल २००५ आणि २०१३ मध्ये तिसरे स्थान आहे.

आठ वेळेचा रशियन विजेता असुन (१९९४, १९९५, १९९७, २००३, २००८, २०११, २०१३, २०१७), त्याने दहा वेळा बुद्धिबळ ऑलिंपियाडमध्ये रशियाचे प्रतिनिधित्व केले आहे (१९९४-२०१०; २०१४) पाच सांघिक सुवर्णपदके, दोन सांघिक रौप्य आणि एक वैयक्तिक कांस्यपदक जिंकले आहे. स्विडलरने २०११ चा बुद्धिबळ विश्वचषक जिंकला, २००६ मध्ये जागतिक ब्लिट्झ अजिंक्यपद स्पर्धेमध्ये उपविजेता राहिला. २००० आणि २००४ मध्ये तो क्लासिकल जागतिक बुद्धिबळ अजिंक्यपद स्पर्धेमध्ये व्लादिमीर क्रॅमनिकचा सहायक बनला.

विकिपीडियावर संपूर्ण लेख वाचा →