नासिरा अख्तर

नासिरा अख्तर (जन्म:१ फेब्रुवारी, १९७२) ह्या जम्मू आणि काश्मीरमधील कुलगाम येथील एक भारतीय शोधक आहेत.

वाणिज्य शाखेची पदवीधर अख्तर यांनी आयटीआय मधून संगणक आणि स्टेनोग्राफीचा अभ्यासक्रम केला आणि सरकारी नोकरी मिळवली. तथापि नोकरीत मन न लागल्याने लवकरच नोकरी सोडली. बारावीत तिने शाळा सोडली आणि औषधी वनस्पती आणि इतर नवनवीन शोधांमध्ये मग्न झाली. कर्करोगामुळे तिचा पती गमवावा लागला. कुलगामच्या कानिपोरा गावातील एका मुलीची आई आणि एकल पालक असलेली ती म्हणाली की ती १९९९ पासून औषधी वनस्पतीवर काम करत आहे आणि २००८ मध्ये तिला अखेर तिच्या कठोर परिश्रमाचे फळ मिळाले. पॉलिथिनला बायोडिग्रेडेबल बनवण्याचे साधन विकसित करण्यासाठी अख्तर यांनी काश्मीर विद्यापीठातील सायन्स इन्स्ट्रुमेंटेशन सेंटरमध्ये आठ वर्षांहून अधिक काळ काम केले. २००८ मध्ये अख्तर यांनी एका अज्ञात औषधी वनस्पतीचा वापर करून यावर उपाय शोधला. या औषधी वनस्पतीची पेस्ट बनवली जाते आणि ती पॉलिथिन पेटवण्यापूर्वी त्यावर लावली जाते. कोणत्याही प्रदूषणाची नोंद न होता पॉलिथिनची विल्हेवाट लावली जाते. त्यांच्या उद्योगाची वार्षिक उलाढाल ८० लाख रुपये आहे. त्यांच्या या कामगिरीची दखल घेत, आंतरराष्ट्रीय महिला दिनी २०२२ रोजी भारताचे राष्ट्रपती रामनाथ कोविंद यांच्या हस्ते अख्तर यांना नारी शक्ती पुरस्कार प्रदान करण्यात आला.

विकिपीडियावर संपूर्ण लेख वाचा →