धापेवाडा बुद्रुक

धापेवाडा बुद्रुक हे भारताच्या महाराष्ट्र राज्यातील नागपूर जिल्ह्यातील कळमेश्वर तालुक्यातील एक गाव आहे.

हे गाव "विदर्भाची पंढरी" म्हणून ओळखले जाते. हे गाव नागपूरपासून साधारणपणे ३५ किमी अंतरावर आहे. येथे विठ्ठल रुखमाई देवस्थान आहे. १७४० मध्ये बांधलेले हे विठ्ठल मंदिर आणि कोलबा स्वामींचे मंदिर भाविकांचे प्रमुख श्रद्धास्थान आहे. पंढरपूरला जाऊ न शकणाऱ्या भक्तांसाठी दर वर्षी गुरुपौर्णिमेला पांडुरंग धापेवाडा या ठिकाणी येतो, अशी येथील भाविकांची श्रद्धा आहे. हे मंदिर देखील चंद्रभागा नदीच्या तीरावर वसलेले आहे. आषाढी आणि कार्तिकी एकादशीला येथे मोठा उत्सव असतो. विदर्भातून हजारो वारकरी पायी दिंड्या घेऊन येथे येतात. मंदिराच्या परिसरामध्ये निसर्गरम्य वातावरण असून, जवळच 'धापेवाडा लेक' देखील आहे.

विकिपीडियावर संपूर्ण लेख वाचा →