ताकिन

ताकिन हा एक सस्तन चतुष्पाद प्राणी आहे. हा भारतातील अरुणाचल प्रदेश, तसेच भूतान आणि तिबेट मध्ये आढळतो.

त्याचे डोके मोठे असते. त्याला लांब, कमानीयुक्त शिंगे असतात. शिंगे नर व मादी दोन्ही लिंगांमध्ये असतात. शिंगाची लांबी सुमारे ३० सेमी (१२ इंच) असते. परंतु ते ६४ सेमी (२५ इंच) पर्यंत वाढू शकतात. नर व मादीचे चेहरे रंगाने काळे असतात.

ताकिनच्या अंगावर काळसर जाड लोकर असते. ताकिन हे तपकिरी-लालसर, तपकिरी -पिवळ्या, पिवळसर-तपकिरी रंगाचे आढळतात. त्यांना कमी जास्त केस असतात. केसांची लांबी ३ सेमी (१.२ इंच) पर्यंत असू शकते. हिवाळ्यात डोक्याच्या खाली २४ सेमी (९.४ इंच) पर्यंत वाढू शकते. मादी ताकिनचे वजन २५०-३०० किलो तर नर ताकिनचे वजन ३००-३५० किलो असते. ताकिन आपल्या संपूर्ण शरीरावर एक तेलकट आणि उग्र गंधयुक्त पदार्थ ठेवतो.

विकिपीडियावर संपूर्ण लेख वाचा →