पं. जयराम पांडुरंग पोतदार हे एक हार्मोनियमवादक आहेत. त्याशिवाय ते उत्तम लेखक आहेत. मराठी संगीत नाटके आणि त्यांतील गायक-कलावंत यांच्याविषयी त्यांनी काही पुस्तकेही लिहिली आहेत.
जयराम पोतदार ह्यांनी मराठी साहित्यात एम.ए. केले असून, ते पत्रकारिता आणि ग्रंथालय शास्त्र पदवीधर आहेत. त्यांनी शास्त्रीय संगीताचे शिक्षण वडील डॉ. पांडुरंग यांच्याकडे घेतले. त्यानंतर पं. मनोहर बर्वे, डॉ. वसंतराव देशपांडे यांच्याकडूनही धडे घेतले. त्यांना ऑर्गनचे मार्गदर्शन पं. विष्णूपंत वष्ठ यांच्याकडून मिळाले.
भारत सरकारच्या सांस्कृतिक विभागात ते उच्चपदस्थ अधिकारी आहेत. १९७५पासून जयराम पोतदार हे आकाशवाणीचे व दूरदर्शनचे मान्यताप्राप्त कलावंत आहेत.
जयराम पोतदार हे वयाच्या १५व्या वर्षापासून स्वयंवर, मानापमान, सौभद्र, शारदा, विद्याहरण, संशयकल्लोळ, सुवर्णतुला, कट्यार काळजात घुसली आदी नाटकांमध्ये ऑर्गन वाजवत आले आहेत. किशोरी आमोणकर, पं. कुमार गंधर्व, गंगूबाई हनगळ, पं. सी.आर. व्यास, पं. जसराज, माणिक वर्मा, डॉ. प्रभा अत्रे यांच्या संगीताच्या देशविदेशांतील कार्यक्रमांत ते हार्मोनियमवर असत. पं. जयराम पोतदार यांना अनेक संस्थांचे मानाचे पुरस्कार मिळाले आहेत.
जयराम पोतदार
या विषयातील रहस्ये उलगडा.