कालिनिनग्राद (रशियन: Калининград; जुने नाव: क्योनिग्जबर्ग, जर्मन: Königsberg; रशियन: Кёнигсберг; लिथुएनियन: Karaliaučius; पोलिश: Królewiec) हे रशिया देशाच्या कालिनिनग्राद ओब्लास्ताचे मुख्यालय व बाल्टिक समुद्रावरील एक मोठे बंदर आहे. कालिनिनग्राद ओब्लास्त हे पोलंड व लिथुएनिया ह्यांच्या दरम्यान वसलेले रशियाचे एकमेव बहिःक्षेत्र आहे जे संलग्न रशियन भूभागापासून वेगळे आहे.
इ.स. १२५५ साली क्रुसेड दरम्यान सध्याच्या कालिनिनग्राद भागामध्ये एक मोठा किल्ला बांधला गेला व ह्या शहराचे नाव क्योनिग्जबर्ग असे ठेवण्यात आले. त्यानंतरच्या काळात ह्या शहरावर पोलिश-लिथुएनियन राष्ट्रकुल, रशियन साम्राज्य, प्रशिया, जर्मनी इत्यादी महासत्तांचे अधिपत्य होते. जर्मन साम्राज्य व नाझी जर्मनीच्या कार्यकाळात हे शहर पूर्व प्रशिया प्रांतामध्ये होते. दुसऱ्या महायुद्धादरम्यान क्योनिग्जबर्गची मोठ्या प्रमाणावर पडझड झाली. १९४५ साली सोव्हिएत लाल सैन्याने ह्या भूभागावर ताबा मिळवला व युद्ध संपल्यानंतर तो सोव्हिएतमध्ये सामील केला गेला. १९४६ साली ह्या शहराचे नाव बदलून कालिनिनग्राद असे ठेवण्यात आले.
२०१८ फिफा विश्वचषकाच्या ११ यजमान शहरांपैकी कालिनिनग्राद एक आहे.
कालिनिनग्राद
चर्चा करण्यासाठी एक आकर्षक विषय.
