ऑस्ट्रेलिया क्रिकेट संघाने तीन आंतरराष्ट्रीय ट्वेंटी२० सामने, पाच आंतरराष्ट्रीय एकदिवसीय सामने (वनडे) आणि दोन कसोटी सामने खेळण्यासाठी जून-जुलै २०२२ मध्ये श्रीलंकेचा दौरा केला. कसोटी मालिका २०२१-२३ विश्व कसोटी अजिंक्यपद स्पर्धा अंतर्गत खेळविली गेली. मार्च २०२२ मध्ये दोन्ही देशांच्या क्रिकेट बोर्डाने दौऱ्याची पुष्टी केली. वरिष्ठ संघाबरोबरच ऑस्ट्रेलिया अ क्रिकेट संघाने देखील श्रीलंकेचा दौरा केला.
ऑस्ट्रेलियाने पहिले दोन ट्वेंटी२० सामने जिंकत मालिका जिंकली. श्रीलंकेने तिसऱ्या ट्वेंटी२० सामन्यात कर्णधार दासून शनाकाच्या अर्धशतकी खेळीच्या जोरावर ४ गडी राखून विजय प्राप्त केला. ऑस्ट्रेलियाने पहिला वनडे सामना जिंकत मालिकेत आघाडी घेतली. श्रीलंकेने पुढचे तीन वनडे जिंकत १९९२ नंतर मायदेशात ऑस्ट्रेलियाविरुद्ध प्रथमच आंतरराष्ट्रीय एकदिवसीय मालिका जिंकली. ऑस्ट्रेलियाने पाचवा सामना ४ गडी राखून जिंकला. कसोटी मालिकेतील पहिली कसोटी ऑस्ट्रेलियाने तिसऱ्याच दिवशी जिंकली. श्रीलंकेने दुसरी कसोटी १ डाव आणि ३९ धावांनी जिंकली आणि कसोटी मालिका १-१ अशी बरोबरीत सुटली. दिनेश चंदिमल याने त्याच्या कसोटी कारकिर्दीतील पहिले वहिले द्विशतक झळकावले तर १२/११७ ही प्रभात जयसुर्याने श्रीलंकेतर्फे पदार्पणात केलेली सर्वोत्कृष्ट आकडेवारी ठरली.
ऑस्ट्रेलिया क्रिकेट संघाचा श्रीलंका दौरा, २०२२
एक संपूर्ण मार्गदर्शक तुमच्यासाठी.
