इलिनॉय (इंग्लिश: Illinois) हे अमेरिकेचे एक राज्य आहे. अमेरिकेच्या उत्तर-मध्य भागात वसलेले इलिनॉय हे लोकसंख्येच्या दृष्टीने अमेरिकेत पाचव्या क्रमांकावर असून देशातील तिसऱ्या क्रमांकाचे मोठे शहर शिकागो ह्याच राज्यात आहे. राज्याच्या एकूण १.२८ कोटी लोकसंख्येच्या ६५ टक्के रहिवासी शिकागो महानगर परिसरात वास्तव्यास आहेत. राज्यातील शिकागो वगळता जवळजवळ इतर सर्व भाग ग्रामीण वा अर्ध-शहरी स्वरूपाचा आहे.
इलिनॉयच्या उत्तरेला विस्कॉन्सिन, ईशान्येला मिशिगन सरोवर, पूर्वेला इंडियाना, आग्नेयेला व दक्षिणेला केंटकी, तर पश्चिमेला आयोवा व मिसूरी ही राज्ये आहेत. स्प्रिंगफील्ड ही इलिनॉयची राजधानी आहे.
अमेरिकेच्या राजकीय पटलावर इलिनॉयला विशेष महत्त्व आहे. अब्राहम लिंकन, युलिसिस एस. ग्रँट व बराक ओबामा हे तीन अमेरिकेचे राष्ट्राध्यक्ष इलिनॉयचे राज्यातून निवडून आले आहेत तर रोनाल्ड रेगन ह्यांचा जन्म ह्याच राज्यात झाला.
इलिनॉय
यामागील विज्ञान आणि इतिहास.
