अफगाणिस्तान क्रिकेट संघाने तीन आंतरराष्ट्रीय एकदिवसीय सामने (वनडे) आणि तीन आंतरराष्ट्रीय ट्वेंटी२० सामने खेळण्यासाठी जून २०२२ मध्ये झिम्बाब्वेचा दौरा केला. एकदिवसीय मालिका २०२०-२२ आयसीसी क्रिकेट विश्वचषक सुपर लीग अंतर्गत खेळवली गेली. सर्व सामने हरारे शहरातील हरारे स्पोर्ट्स क्लब या मैदानावर झाले. मूलत: वेळापत्रकामध्ये पाच ट्वेंटी२० सामन्यांचा समावेश होता परंतु नंतर दोन ट्वेंटी२० सामने वगळण्यात आले.
सदर मालिका ऑगस्ट २०२० मध्ये अपेक्षित होती. परंतु कोव्हिड-१९ मुळे मालिका पुढे ढकलण्यात आली होती. त्यानंतर फेब्रुवारी २०२२ मध्ये मालिका खेळविण्यात येईल असा संभाव्य अंदाज होता. परंतु झिम्बाब्वेतर्फे दूरवित्रवाणीवर प्रक्षेपणासाठी लागणारे आवश्यक हक्क व परवानगी न मिळाल्याने पुन्हा एकदा मालिका पुढे ढकलण्यात आली. सरतेशेवटी मालिका जून २०२२ मध्ये होणार असल्याचे जाहीर करण्यात आले. एकदिवसीय मालिकेआधी अफगाणिस्तानने एक सराव सामना देखील खेळला. अफगाणिस्तानने एकदिवसीय मालिकेत ३-० ने विजय प्राप्त केला. आंतरराष्ट्रीय ट्वेंटी२० मालिका देखील अफगाणिस्तानने ३-० ने जिंकली.
अफगाणिस्तान क्रिकेट संघाचा झिम्बाब्वे दौरा, २०२२
थोडक्यात पण महत्त्वाचे.
