अनंततनय ऊर्फ दत्तात्रेय अनंत आपटे (जन्म: बडनेर भोलजी, बुलढाणा जिल्हा; इ.स. १८७५ - पुणे, ११ जून, इ.स. १९२९) हे एक मराठी कवी होते. त्यांचे मूळ गाव जुन्नर हे होते. 'स्कूल-फायनल'पर्यंतचे शिक्षण पूर्ण झाल्यावर त्यांनी पुणे जिल्ह्यातील खेड येथे १२ वर्षे शिक्षकाची नोकरी केली. त्या काळात तेथील सत्पुरुष चंडिराम महाराज यांचे पद्यमय चरित्र त्यांनी लिहून प्रसिद्ध केले (१८९९). अनंततनय यांची बरीचशी कविता पुण्याच्या 'चित्रमयजगत्' मासिकातून प्रसिद्ध झाली.
इ.स. १९२० मध्ये पुणे येथे कवी आणि काव्यरसिकांसाठी स्थापन झालेल्या ’श्री महाराष्ट्र शारदामंदिर’ या संस्थेचे ते आधारस्तंभ होते. या संस्थेच्या वतीने नवीन कवितेविषयी समाजात आवड निर्माण करणे, कवींच्या काव्यकृती प्रकाशित करणे, कवींची चरित्रविषयक माहिती मिळवून ती प्रसिद्ध करणे, काव्यग्रंथांचा संग्रह करणे, कविसंमेलने भरवणे आणि काव्यविषयक चर्चा घडवून आणणे, असे विविध उपक्रम अनंततनय यांनी राबवले.
अनंततनय
एक संपूर्ण मार्गदर्शक तुमच्यासाठी.