अ फ्यू गुड मेन हा १९९२चा अमेरिकन वकीली-नाट्य चित्रपट आहे. रॉब रायनर यांनी निर्माण आणि दिग्दर्शन केलेला हा चित्रपट अॅरन सॉर्किन यांच्या त्याच नावाच्या नाटकावर आधारित आहे. यात टॉम क्रूझ, जॅक निकोल्सन, डेमी मूर, केव्हिन बेकन, केव्हिन पोलाक, जे.टी. वॉल्श, क्युबा गुडिंग जुनियर आणि किफर सदरलँड यांच्यासह अनेक कलाकारांनी अभिनय केला. हे कथानक दोन अमेरिकन मरीन सैनिकांच्या कोर्ट-मार्शलवर आधारित आहे. त्यांच्यावरील सहकारी मरीनच्या हत्येच्या आरोपाविरुद्ध त्यांच्या वकिलांना खटला तयार करताना भोगावा लागलेला त्रास याचे चित्रण यात केले गेले आहे.
या चित्रपटाचे पहिले प्रदर्शन ९ डिसेंबर, १९९२ रोजी लॉस एंजेलसच्या वेस्टवूड भागात झाले. ११ डिसेंबर रोजी कोलंबिया पिक्चर्सने तो पूर्ण अमेरिकेत प्रदर्शित केला. ४ कोटी अमेरिकन डॉलर खर्च करून तयार केलेल्या या चित्रपटाने २४.३ कोटी डॉलरची कमाई केली. या चित्रपटाला सर्वोत्कृष्ट चित्रपटासह चार अकादमी पुरस्कारांसाठी नामांकन मिळाले.
अ फ्यू गुड मेन
यामागील विज्ञान आणि इतिहास.